櫃門較鬆脫，最有效率的解決方法

一般網上DIY專家介紹的方法係用牙簽／竹簽／木筷子塞入洞位，加白膠漿，然後再次上緊螺絲，此方法最大問題係唔多耐用，本人用此方法約半年之後便打回原型，怎辦好？再用大一級螺絲可以嗎，當然可以，但係原本已經係用M4(4mm)的螺絲，現在用M6的，洞位再大少少，但係發覺問題係自己用的門較只係用兩夥螺絲固定，才係最大的問題。大陸啲門較多用四孔位固定，自己更換部分生銹門較做大陸四孔的，真是未試過鬆脫。反而今次用昂貴的BLUM較，比大陸四孔的貴三倍，門較雖然冇壞，但已發生幾次螺絲鬆脫事件，用牙簽／竹簽做修理，都只係得幾個月貨仔，好煩惱。


於是喺網上又有人教用長螺絲加絲母固定，咁做一定百分百成功，但係要用鑽頭鑽穿木板，家中如果沒有電鑽根本不成，從上絲母的一邊看又唔美觀。

冇意中又搵到一位網友教用常見的膠塞，理論上應該冇問題，但係一般膠塞螺絲偏長，一定會貫穿木板（一般木板18mm厚)。於是喺淘寶搵下搵下，居然原來係有M4大小的膠塞賣。
只係8元人仔已經有50套螺絲和膠塞，仲要螺絲係304不銹鋼。

寶貝到手之後立即測試，新螺絲長20mm，因為舊洞位短，先不用膠塞，用螺絲批上新螺絲直到底部，然後取出
螺絲，入膠塞，然後用錘子打膠塞入底部，如果膠塞有部分突出的話，用cutter切斷多出的部分，可以留下～2mm突出。最後放回門較和用螺絲批固定好螺絲，便大功告成。

全部成本只係買膠塞和螺絲，只需要十分鐘便完成維修好!!
還要十分耐用，因為浴室中的掛件都係用膠塞固定，十多年也沒有鬆脫問題發生


後話:
原用竹簽塞入，因竹簽唔係全部包圍洞位，則埋一邊，自攻螺絲轉動受力向另一面攻牙，門較luk多一兩次用同樣方法，洞位愈開愈大。用膠塞係成個洞位包圍，螺絲令入時間唔會損壞木質。
測試：用手大力去拉扯完全唔郁,用手大力關門數十次，檢查螺絲冇虛位，希望耐用啦


其實要多謝馬雲，香港沒有細小尺碼的膠塞賣，最細size都要綠色6.5mm。呢隻係4mm，啱啱好塞入，如塞入突出少少的話用剪鉗剪走去，唔洗用10分鐘便完成修理工作。

Update 2018-04-19:
已經使用了四個月，櫃門較依然很強壯